Every Act of Kindness is charity...

Every Act of Kindness is charity...

Lovely Letter

یہ ضروری تو نہیں

ضروری تو نہیں
اس دنیا کی بھیڑ میں
کوئی تنہا نہ ہو
یہ ضروری تو نہیں

ہنستے لبوں کے پیچھے
کوئی سسکی نہ ہو


مسکراتی آنکھوں کے پیچھے
کوئی آنسو نہ ہو
یہ ضروری تو نہیں

یہ دل اندر سے ٹوٹے
اور چھنک باہر بھی سنائی دے
یہ ضروری تو نہیں

ہم اندر سے جل جائیں اور
دھواں باہر بھی دکھائی دے
یہ ضروری تو نہیں

دینا اپنے دئیے ہوئے
زخموں پر مرہم بھی رکھے
یہ ضروری تو نہیں..!! 

ﺷﺎﮦ ﺍﺳﻤﺎﻋﯿﻞ ﺷﮩﯿﺪ ﮐﮯ ﻧﻘﺶ ﻗﺪﻡ ﭘﺮ

!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ﺩﮬﻠﯽ ﮐﯽ ﺷﺎﺭﻉ ﻋﺎﻡ ﻣﺮﺩﻭﮞ ﻋﻮﺭﺗﻮﮞ ﺍٓﺟﺮﻭﮞ ﺍﻭﺭ ﻣﺰﺩﻭﺭﻭﮞ ﮐﯽ
ﺭﯾﻞ ﭘﯿﻞ ،ﺑﯿﻞ ﮔﺎﮌﯾﻮ ﮞ ﺍﻭﺭ ﺗﺎﻧﮕﻮﮞ ﮐﯽ ﺍٓﻣﺪﻭﺭﻓﺖ ﺳﮯ ﺑﮩﺘﮯ
ﺩﺭﯾﺎ ﮐﺎ ﻣﻨﻈﺮ ﭘﯿﺶ ﮐﺮ ﺭﮨﯽ ﺗﮭﯽ ﮐﮧ ﺍﭼﺎﻧﮏ ﺑﺎﺯﺍﺭ ﻣﯿﮟ ﺧﺎﻣﻮﺷﯽ
ﭼﮭﺎ ﮔﺌﯽ ... ﺧﺮﯾﺪﺍﺭﻭﮞ ﺍﻭﺭ ﺩﻭﮐﺎﻧﺪﺍﺭﻭﮞ ﮐﯽ ﻧﮕﺎﮨﯿﮟ ﺑﮕﮭﯿﻮﮞ ﺍﻭﺭ
ﺭﺗﮭﻮ ﮞ ﻣﯿﮟ ﺟﻠﻮﮦ ﺍﻓﺮﻭﺯ ﺣﺴﯿﻨﺎﻭﮞ ﭘﺮ ﭨﮏ ﮔﺌﯿﮟ ... ﯾﮧ
ﺣﺴﯿﻨﺎﺋﯿﮟ ﺟﻮ ﺑﻦ ﺳﻨﻮﺭ ﮐﺮ ﺍﭘﻨﮯ ﺍﭘﻨﮯ ﺑﺎﻻ ﺧﺎﻧﻮﮞ ﻣﯿﮟ ﻋﯿﺎﺵ
ﺍﻣﯿﺮ ﺯﺍﺩﻭﮞ ﮐﻮ ﺩﺍﺩ ﻋﯿﺶ ﺩﮮ ﮐﺮ ﺍﻥ ﮐﯽ ﺩﻭﻟﺖ ﺩﻧﯿﺎ ﭘﺮ ﮈﺍﮐﮧ
ﮈﺍﻟﺘﯽ ﺗﮭﯿﮟ ...ﺍٓ ﺝ ﺑﮭﮍﮐﯿﻠﮯ ﻣﻠﺒﻮﺳﺎﺕ ﺯﯾﺐ ﺗﻦ ﮐﺮﮐﮯ ﺑﺎﮨﺮ ﻧﮑﻠﯿﮟ
ﺗﻮ ﻟﻮﮒ ﺧﺮﯾﺪﻭﻓﺮﻭﺧﺖ ﺑﮭﻮﻝ ﮔﺌﮯ ﺍﻭﺭ ﺍﻥ ﮐﯽ ﻃﺮﻑ ﺩﯾﮑﮭﺘﮯ ﺭﮦ
ﮔﺌﮯ ... ﯾﮧ ﻟﮍﮐﯿﺎﮞ ﺳﺐ ﺳﮯ ﺑﮯ ﻧﯿﺎﺯ ﺍﭘﻨﯽ ﺍﺩﺍﻭٔﮞ ﺳﮯ ﺳﺐ ﮐﻮ
ﮔﮭﺎﺋﻞ ﮐﺮﺗﯽ ﻣﺪﺭﺳﮧ ﻋﺰﯾﺰﯾﮧ ﮐﮯ ﺩﺭﻭﺍﺯﮮ ﺳﮯ ﮔﺰﺭ ﺭﮨﯽ ﺗﮭﯿﮟ ﮐﮧ
ﺣﻀﺮﺕ ﺷﺎﮦ ﻣﺤﻤﺪ ﺍﺳﻤﺎ ﻋﯿﻞ ﺭﺣﻤﮧ ﺍﻟﻠﮧ ﮐﯽ ﻧﻈﺮ ﺍﻥ ﭘﺮ ﭘﮍ
ﮔﺌﯽ !
٭
ﺗﻮ ﮐﯿﺎ ﺷﺎﮦ ﺻﺎﺣﺐ ﺍٓﻧﮑﮭﯿﮟ ﺑﻨﺪ ﮐﺮ ﮐﮯ ﭼﮩﺮﮮ ﭘﺮ ﺭﻭﻣﺎﻝ ﮈﺍﻝ ﮐﺮ
ﺗﯿﺰﯼ ﺳﮯ ﺍﺱ ﺟﮕﮧ ﺳﮯ ﭼﻠﮯ ﮔﺌﮯ؟؟؟ )
ﻧﮩﯿﮟ ﺟﻨﺎﺏ !
٭
ﺣﻀﺮﺕ ﻧﮯ ﺍﭘﻨﮯ ﺳﺎﺗﮭﯿﻮﮞ ﺳﮯ ﭘﻮﭼﮭﺎ ﯾﮧ ﮐﻮﻥ ﮨﯿﮟ؟ ... ﺳﺎ
ﺗﮭﯿﻮﮞ ﻧﮯ ﺑﺘﺎﯾﺎ ﮐﮧ ﺣﻀﺮﺕ ﯾﮧ ﻃﻮﺍﺋﻔﯿﮟ ﮨﯿﮟ ﺍﻭﺭﮐﺴﯽ ﻧﺎﭺ ﺭﻧﮓ
ﮐﯽ ﻣﺤﻔﻞ ﻣﯿﮟ ﺟﺎ ﺭﮨﯽ ﮨﯿﮟ۔
ﺣﻀﺮﺕ ﺷﺎﮦ ﺻﺎﺣﺐ ﻧﮯ ﻓﺮﻣﺎﯾﺎ ... ﺍﭼﮭﺎ ﯾﮧ ﺗﻮ ﻣﻌﻠﻮﻡ ﮨﻮﺍ، ﻟﯿﮑﻦ
ﯾﮧ ﺑﺘﺎﻭٔ ﮐﮧ ﯾﮧ ﮐﺲ ﻣﺬﮬﺐ ﺳﮯ ﺗﻌﻠﻖ ﺭﮐﮭﺘﯽ ﮨﯿﮟ؟
ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﺟﻨﺎﺏ ﯾﮧ ﺩﯾﻦ ﺍﺳﻼﻡ ﮨﯽ ﮐﻮ ﺑﺪﻧﺎﻡ ﮐﺮﻧﮯ ﻭﺍﻟﯽ
ﮨﯿﮟ ... ﺍﭘﻨﮯ ﺍٓﭖ ﮐﻮ ﻣﺴﻠﻤﺎﻥ ﮐﮩﺘﯽ ﮨﯿﮟ۔
ﺷﺎﮦ ﺻﺎ ﺣﺐ ﻧﮯ ﺟﺐ ﯾﮧ ﺑﺎﺕ ﺳﻨﯽ ﺗﻮ ﻓﺮﻣﺎﯾﺎ : ﻣﺎﻥ ﻟﯿﺎ ﮐﮧ
ﺑﺪﻋﻤﻞ ﺍﻭﺭ ﺑﺪﮐﺮﺩﺍﺭ ﮨﯽ ﺳﮩﯽ ﻟﯿﮑﻦ ﮐﻠﻤﮧ ﮔﻮ ﮨﻮﻧﮯ ﮐﮯ ﺍﻋﺘﺒﺎﺭ
ﺳﮯ ﮨﻮ ﺋﯿﮟ ﺗﻮ ﮨﻢ ﻣﺴﻠﻤﺎﻧﻮ ﮞ ﮐﯽ ﺑﮩﻨﯿﮟ ﮨﯽ ... ﻟﮩٰﺬﺍ ﮨﻤﯿﮟ ﺍﻧﮭﯿﮟ
ﻧﺼﯿﺤﺖ ﮐﺮﻧﯽ ﭼﺎ ﮨﯿﮯ، ﻣﻤﮑﻦ ﮨﮯ ﮐﮧ ﮔﻨﺎﮦ ﺳﮯ ﺑﺎﺯ ﺍٓ ﺟﺎ
ﺋﯿﮟ ...ﺳﺎﺗﮭﯿﻮ ﮞ ﻧﮯ ﮐﮩﺎ ﺍﻥ ﭘﺮ ﻧﺼﯿﺤﺖ ﮐﯿﺎ ﺧﺎﮎ ﺍ ﺛﺮ ﮐﺮﮮ ﮔﯽ؟
ﺑﻠﮑﮧ ﺍﻥ ﮐﻮ ﻧﺼﯿﺤﺖ ﮐﺮﻧﮯ ﻭﺍﻻ ﺗﻮ ﺍﻟﭩﺎ ﺧﻮﺩ ﺑﺪﻧﺎ ﻡ ﮨﻮ ﺟﺎﺋﮯ ﮔﺎ !
٭
( ﺗﻮ ﮐﯿﺎ ﺷﺎﮦ ﺻﺎﺣﺐ ﺑﺪﻧﺎﻣﯽ ﮐﮯ ﮈﺭﺳﮯ ﺍﭘﻨﮯ ﺍﺭﺍﺩﮮ ﺳﮯ ﭘﮭﺮ
ﮔﺌﮯ؟ )
ﻧﮩﯿﮟ ﺟﻨﺎﺏ !
٭
ﺷﺎﮦ ﺻﺎﺣﺐ ﻧﮯ ﻓﺮﻣﺎﯾﺎ : ﺗﻮ ﭘﮭﺮ ﮐﯿﺎ ﮨﻮﺍ؟ ... ﻣﯿﮟ ﺗﻮ ﯾﮧ ﻓﺮﯾﻀﮧ
ﺍﺩﺍ ﮐﺮ ﮐﮯ ﺭﮨﻮﮞ ﮔﺎ ﺧﻮﺍﮦ ﮐﻮﺋﯽ ﮐﭽﮫ ﺳﻤﺠﮭﮯ !
ﺳﺎﺗﮭﯿﻮﮞ ﻧﮯ ﻋﺮ ﺽ ﮐﯿﺎ۔ ﺣﻀﺮﺕ ! ﺍٓﭖ ﮐﺎ ﺍﻥ ﮐﮯ ﭘﺎﺱ ﺟﺎﻧﺎ
ﻗﺮﯾﻦ ﻣﺼﻠﺤﺖ ﻧﮩﯿﮟ ﮨﮯ ... ﺍٓﭖ ﮐﻮ ﭘﺘﺎ ﮨﮯ ﮐﮧ ﺷﮩﺮ ﮐﮯ ﭼﺎﺭﻭﮞ
ﻃﺮﻑ ﺍٓﭖ ﮐﮯ ﻣﺬ ﮨﺒﯽ ﻣﺨﺎﻟﻔﯿﻦ ﮨﯿﮟ ... ﺟﻮ ﺍٓﭖ ﮐﻮ ﺑﺪ ﻧﺎﻡ ﮐﺮﻧﮯ ﮐﺎ
ﮐﻮﺋﯽ ﻣﻮﻗﻊ ﻧﮩﯿﮟ ﭼﮭﻮ ﮌﺗﮯ ... ﺍٓﭖ ﻧﮯ ﻓﺮﻣﺎﯾﺎ ﻣﺠﮭﮯ ﺫﺭﮦ ﺑﮭﺮ
ﭘﺮﻭﺍ ﻧﮩﯿﮟ ... ﻣﯿﮟ ﺍﻧﮭﯿﮟ ﺿﺮﻭﺭ ﻧﺼﯿﺤﺖ ﮐﺮﻧﮯ ﺟﺎﻭٔﮞ ﮔﺎ !
ﺍﺱ ﻋﺰﻡ ﺻﻤﯿﻢ ﮐﮯ ﺑﻌﺪﺍٓﭖ ﺗﺒﻠﯿﻎ ﺣﻖ ﻭ ﺍﺻﻼ ﺡ ﮐﺎ ﻋﺰﻡ ﺻﺎﺩﻕ
ﻟﮯ ﮐﺮ ﮔﮭﺮ ﻣﯿﮟ ﺗﺸﺮﯾﻒ ﻻﺋﮯ ... ﺩﺭﻭﯾﺸﺎﻧﮧ ﻟﺒﺎﺱ ﺯﯾﺐ ﺗﻦ ﮐﯿﺎ ﺍﻭﺭ
ﺗﻦ ﺗﻨﮩﺎ ﻧﺎﯾﮑﮧ ﮐﯽ ﺣﻮﯾﻠﯽ ﮐﮯ ﺩﺭﻭﺍﺯﮮ ﭘﺮ ﭘﮩﻨﭻ ﮔﮯ ﺍﻭﺭ ﺻﺪﺍ
ﻟﮕﺎﺉ ﯼ ...ﺍﻟﻠﮧ ﻭﺍﻟﯿﻮ ! ﺩﺭﻭﺍﺯﮦ ﮐﮭﻮﻟﻮ ﺍﻭﺭ ﻓﻘﯿﺮ ﮐﯽ ﺻﺪﺍ ﺳﻨﻮ !
ﺍٓﭖ ﮐﯽ ﺍٓﻭﺍﺯ ﺳﻦ ﮐﺮ ﭼﻨﺪ ﻟﮍﮐﯿﺎﮞ ﺍٓﺋﯿﮟ ... ﺍﻧﮭﻮﮞ ﻧﮯ ﺩﺭﻭﺍﺯﮦ ﮐﮭﻮﻻ
ﺗﻮ ﺩﯾﮑﮭﺎ ﺑﺎﮨﺮ ﺩﺭﻭﯾﺶ ﺻﻮﺭﺕ ﺑﺰﺭﮒ ﮐﮭﮍﺍ ﮨﮯ ... ﺍﻧﮭﻮﮞ ﻧﮯ
ﺳﻤﺠﮭﺎ ﮐﮧ ﯾﮧ ﮐﻮﺋﯽ ﮔﺪﺍ ﮔﺮ ﻓﻘﯿﺮ ﮨﮯ ﺳﻮ ﺍﻧﮩﻮﮞ ﻧﮯ ﭼﻨﺪ ﺭﻭﭘﮯ ﻻ
ﮐﺮ ﺗﮭﻤﺎ ﺩﯾﮯﻟﯿﮑﻦ ﺍﺱ ﻧﮯ ﺍﻧﺪﺭ ﺟﺎﻧﮯ ﮐﺎ ﺍ ﺻﺮﺍﺭ ﮐﯿﺎ ﺍﻭﺭ ﭘﮭﺮ ﺍﻧﺪﺭ
ﭼﻠﮯ ﮔﺌﮯ !
٭
(ﺍﻭﮦ ﯾﮧ ﮐﯿﺎ ﮐﯿﺎ؟ ... ﺗﮩﻤﺖ ﮐﯽ ﺟﺎ ﻣﯿﮟ، ﺟﮩﺎﮞﺒﮩﺖ ﺳﯽ ﻧﺎﻣﺤﺮﻡ
ﺧﻮﺍﺗﯿﻦ ﮨﯿﮟ، ﻭﮨﺎﮞ ﭼﻠﮯ ﮔﺌﮯ؟ )
٭
ﺷﺎﮦ ﺻﺎﺣﺐ ﻧﮯ ﺩﯾﮑﮭﺎ ﮐﮧ ﭼﺎﺭﻭﮞ ﻃﺮﻑ ﺷﻤﻌﯿﮟ ﺍﻭﺭ ﻗﻨﺪ ﯾﻠﯿﻦ
ﺭﻭﺷﻦ ﮨﯿﮟ ... ﻃﻮﺍﺋﻔﯿﮟ،ﻃﺒﻠﮯ ﺍﻭﺭ ﮈﮬﻮﻟﮏ ﮐﯽ ﺗﮭﺎﭖ ﭘﺮ ﺗﮭﺮﮎ
ﺭﮨﯽ ﮨﯿﮟ ... ﺍﻥ ﮐﯽ ﭘﺎﺯﯾﺒﻮﮞ ﺍﻭﺭ ﮔﮭﻨﮕﮭﺮﻭﮞ ﮐﯽ ﺟﮭﻨﮑﺎﺭ ﻧﮯ
ﻋﺠﯿﺐ ﺳﻤﺎﮞ ﺑﺎﻧﺪﮪ ﺭﮐﮭﺎ ﮨﮯ ... ﺟﻮﻧﮩﯽ ﻧﺎﺋﯿﮑﮧ ﮐﯽ ﻧﮕﺎﮦ ﺍﺱ
ﻓﻘﯿﺮ ﺑﮯ ﻧﻮﺍ ﭘﺮ ﭘﮍﯼ ﺍﺱ ﭘﺮﮨﯿﺒﺖ ﻃﺎﺭﯼ ﮬﻮ ﮔﺌﯽ ... ﻭﮦ ﺟﺎﻧﺘﯽ
ﺗﮭﯽ ﮐﮧ ﺍﺱ ﮐﮯ ﺳﺎﻣﻨﮯ ﻓﻘﯿﺮﺍﻧﮧ ﻟﺒﺎﺱ ﻣﯿﮟ ﮔﺪﺍﮔﺮ ﻧﮩﯿﮟ ﺑﻠﮑﮧ
ﺷﺎﮦ ﺍﺳﻤﺎﻋﯿﻞ ﮐﮭﮍﮮ ﮨﯿﮟ ... ﻭﮦ ﺟﻮ ﺣﻀﺮﺕ ﺷﺎ ﮦ ﻭﻟﯽ ﺍﻟﻠﮧ ﮐﮯ
ﭘﻮﺗﮯ ﺍﻭﺭ ﺷﺎ ﮦ ﻋﺒﺪﺍﻟﻌﺰ ﯾﺰ، ﺷﺎﮦ ﺭﻓﯿﻊ ﺍﻟﺪﯾﻦ ﺍﻭﺭ ﺷﺎﮦ ﻋﺒﺪﺍﻟﻘﺎﺩﺭ
ﮐﮯ ﺑﮭﺘﯿﺠﮯ ﮨﯿﮟ ... ﻧﺎﺋﯿﮑﮧ ﺗﯿﺰﯼ ﺳﮯ ﺍﭘﻨﯽ ﻧﺸﺴﺖ ﺳﮯ ﺍﭨﮭﯽ ﺍﻭﺭ
ﺍﺣﺘﺮﺍﻡ ﮐﮯ ﺳﺎﺗﮫ ﺍﻥ ﮐﮯ ﺳﺎﻣﻨﮯﺟﺎ ﮐﮭﮍﯼ ﮨﻮﺋﯽ ... ﺑﮍﮮ ﺍﺩﺏ ﺳﮯ
ﻋﺮﺽ ﮐﯿﺎ :
ﺣﻀﺮﺕ ﺍٓﭖ ﻧﮯ ﮨﻢ ﺳﯿﺎﮦ ﮐﺎﺭﻭﮞ ﮐﮯ ﭘﺎﺱ ﺍٓﻧﮯ ﮐﯽ ﺯﺣﻤﺖ ﮐﯿﻮﮞ
ﮐﯽ؟ ... ﺍٓﭖ ﻧﮯ ﭘﯿﻐﺎﻡ ﺑﮭﯿﺞ ﺩﯾﺎ ﮬﻮﺗﺎ ﺗﻮ ﮬﻢ ﺍٓﭖ ﮐﯽ ﺧﺪﻣﺖ ﻣﯿﮟ
ﺣﺎﺿﺮ ﮬﻮ ﺟﺎﺗﯿﮟ !
ﺍٓﭖ ﻧﮯ ﺁﻧﮑﮭﯿﮟ ﺑﻨﺪ ﮐﯿﮯ ﺑﻐﯿﺮ ﻧﺎﻣﺤﺮﻡ ﺳﮯﮐﮩﺎ :
ﺑﮍﯼ ﺑﯽ ﺗﻢ ﻧﮯ ﺳﺎﺭﯼ ﺯﻧﺪﮔﯽ ﻟﻮﮔﻮﮞ ﮐﻮ ﺭﺍﮒ ﻭ ﺳﺮﻭﺭ ﺳﻨﺎﯾﺎ
ﮨﮯ ... ﺍٓﺝ ﺯﺭﺍ ﮐﭽﮫ ﺩﯾﺮ ﮨﻢ ﻓﻘﯿﺮﻭﮞ ﮐﯽ ﺻﺪﺍ ﺑﮭﯽ ﺳﻦ ﻟﻮ !
ﺟﯽ ﺳﻨﺎﯾﺌﮯ ﮨﻢ ﻣﮑﻤﻞ ﺗﻮﺟﮧ ﮐﮯ ﺳﺎﺗﮫ ﺍٓﭖ ﮐﺎ ﺑﯿﺎﻥ ﺳﻨﯿﮟ ﮔﯽ !
ﯾﮧ ﮐﮩﮧ ﮐﺮ ﺍﺱ ﻧﮯ ﺗﻤﺎﻡ ﻃﻮﺍﺋﻔﻮﮞ ﮐﻮ ﭘﺎ ﺯﯾﺒﯿﮟ ﺍﺗﺎﺭﻧﮯ ﺍﻭﺭ ﻃﺒﻠﮯ
ﮈﮬﻮﻟﮑﯿﺎﮞ ﺑﻨﺪ ﮐﺮ ﮐﮯ ﻭﻋﻆ ﺳﻨﻨﮯ ﮐﺎ ﺣﮑﻢ ﺩﮮ ﺩﯾﺎ ... ﻭﮦ ﮨﻤﮧ ﺗﻦ
ﮔﻮﺵ ﮬﻮ ﮐﺮ ﺑﯿﭩﮫ ﮔﺌﯿﮟ۔
ﺷﺎﮦ ﺍﺳﻤﺎ ﻋﯿﻞ ( ﺭﺣﻤﮧ ﺍﻟﻠﮧ ) ﻧﮯ ﺣﻤﺎﺋﻞ ﺷﺮﯾﻒ ﻧﮑﺎﻝ ﮐﺮ ﺳﻮﺭۃ
ﺍﻟﺘﻴﻦ ﺗﻼﻭﺕ ﻓﺮ ﻣﺎﺋﯽ ... ﺍٓﭖ ﮐﯽ ﺗﻼﻭﺕ ﺍﺱ ﻗﺪﺭ ﻭﺟﺪ ﺍٓﻓﺮﯾﮟ
ﺍﻭﺭ ﭘﺮ ﺳﻮﺯ ﺗﮭﯽ ﮐﮧ ﻃﻮﺍﺋﻔﯿﮟ ﺑﮯ ﺧﻮﺩ ﮨﻮ ﮔﺌﯿﮟ ... ﺍﺱ ﮐﮯ ﺑﻌﺪ
ﺍٓﭖ ﻧﮯ ﺍٓﯾﺎﺕ ﻣﺒﺎﺭﮐﮧ ﮐﺎ ﺩﻟﻨﺸﯿﻦ ﺭﻭﺍﮞ ﺗﺮﺟﻤﮧ ﮐﺮﮐﮯ ﺑﯿﺎﻥ ﺷﺮﻭﻉ
ﮐﺮ ﺩﯾﺎ !
ﺍﻥ ﮐﺎ ﯾﮧ ﺧﻄﺎﺏ ﺯﺑﺎﻥ ﮐﺎ ﮐﺎﻧﻮﮞ ﺳﮯ ﺧﻄﺎﺏ ﻧﮧ ﺗﮭﺎ ﺑﻠﮑﮧ ﯾﮧ ﺩﻝ
ﮐﺎﺩﻟﻮﮞ ﺳﮯ ﺍﻭﺭ ﺭﻭﺡ ﮐﺎ ﺭﻭﺣﻮﮞ ﺳﮯ ﺧﻄﺎﺏ ﺗﮭﺎ ... ﯾﮧ ﺧﻄﺎﺏ
ﺩﺭﺍﺻﻞ ﺍﺱ ﺍﻟﮩﺎﻡ ﺭﺑﺎﻧﯽ ﮐﺎ ﮐﺮﺷﻤﮧ ﺗﮭﺎ ﺟﻮ ﺷﺎﮦ ﺻﺎﺣﺐ ﺟﯿﺴﮯ
ﻣﺨﻠﺺ ﺩﺭﺩﻣﻨﺪﻭﮞ ﺍﻭﺭ ﺍﻣﺖ ﻣﺴﻠﻤﮧ ﮐﮯ ﺣﻘﯿﻘﯽ ﺧﯿﺮﺧﻮﺍ ﮨﻮﮞ
ﮐﮯ ﺩﻟﻮﮞ ﭘﺮ ﺍﺗﺮﺗﺎ ﮨﮯ !
ﺟﺐ ﻃﻮﺍ ﺋﻔﻮﮞ ﻧﮯ ﺷﺎﮦ ﺻﺎﺣﺐ ﮐﮯ ﺩﻟﻨﺸﯿﻦ ﺍﻧﺪﺍﺯ ﻣﯿﮟ ﺳﻮﺭﺕ
ﮐﯽ ﺗﺸﺮﯾﺢ ﺳﻨﯽ ﺗﻮ ﺍﻥ ﭘﺮ ﻟﺮﺯﮦ ﻃﺎﺭﯼ ﮨﻮ ﮔﯿﺎ ... ﺭﻭﺗﮯ ﺭﻭﺗﮯ ﺍُﻥ
ﮐﯽ ﮨﭽﮑﯿﺎﮞ ﺑﻨﺪﮪ ﮔﺌﯿﮟ۔
ﺷﺎﮦ ﺻﺎﺣﺐ ﻧﮯ ﺟﺐ ﺍﻥ ﮐﯽ ﺍٓﻧﮑﮭﻮﮞ ﻣﯿﮟ ﺍٓﻧﺴﻮﻭٔﮞ ﮐﯽ ﺟﮭﮍﯾﺎﮞ
ﺩﯾﮑﮭﯿﮟ ﺗﻮ ﺍﻧﮩﻮﮞ ﻧﮯ ﺑﯿﺎﻥ ﮐﺎ ﺭﺥ ﺗﻮﺑﮧ ﮐﯽ ﻃﺮﻑ ﻣﻮﮌ ﺩﯾﺎ ﺍﻭﺭ
ﺑﺘﺎﯾﺎ ﮐﮧ ﺟﻮ ﮐﻮﺋﯽ ﮔﻨﺎﮦ ﮐﺮ ﺑﯿﭩﮭﮯ ﺗﻮ ﺍﻟﻠﮧ ﺳﮯ ﺍﺱ ﮐﯽ ﻣﻌﺎﻓﯽ
ﻣﺎﻧﮓ ﻟﮯ ﺗﻮ ﺍﻟﻠﮧ ﺑﮍﺍ ﺭﺣﯿﻢ ﮨﮯ ... ﻭﮦ ﻣﻌﺎﻑ ﺑﮭﯽ ﮐﺮ ﺩﯾﺘﺎ ﮨﮯ ﺑﻠﮑﮧ
ﺍﺳﮯ ﺗﻮ ﺍﭘﻨﮯ ﮔﻨﮩﮕﺎﺭ ﺍﻭﺭ ﺳﯿﺎﮦ ﮐﺎﺭ ﺑﻨﺪﻭﮞ ﮐﯽ ﺗﻮﺑﮧ ﺳﮯ ﺑﮯ ﺣﺪ
ﺧﻮﺷﯽ ﮨﻮﺗﯽ ﮨﮯ ... ﺍٓﭖ ﻧﮯ ﺗﻮﺑﮧ ﮐﮯ ﺍﺗﻨﮯ ﻓﻀﺎﺋﻞ ﺑﯿﺎﻥ ﮐﯿﮯ ﮐﮧ
ﺍﻥ ﮐﯽ ﺳﺴﮑﯿﺎﮞ ﺑﻨﺪ ﮪ ﮔﺌﯿﮟ ... ﮐﺴﯽ ﺯﺭﯾﻌﮯ ﺳﮯ ﺷﮩﺮ ﻭﺍﻟﻮﮞ ﮐﻮ
ﺍﺱ ﻭﻋﻆ ﮐﯽ ﺧﺒﺮ ﮨﻮ ﮔﺌﯽ ... ﻭﮦ ﺩﻭﮌﮮ ﺩﻭﮌﮮ ﺍٓﺋﮯ ﺍﻭﺭ ﻣﮑﺎﻧﻮﮞ
ﮐﯽ ﭼﮭﺘﻮﮞ ﺩﯾﻮﺍﺭﻭﮞ ﭼﻮﮐﻮﮞ ﺍﻭﺭ ﮔﻠﯿﻮﮞ ﻣﯿﮟ ﮐﮭﮍﮮ ﮨﻮ ﮐﺮ
ﻭﻋﻆ ﺳﻨﻨﮯ ﻟﮕﮯ، ﺗﺎﺣﺪِﻧﮕﺎﮦ ﻟﻮﮔﻮﮞ ﮐﮯ ﺳﺮ ﮬﯽ ﺳﺮ ﻧﻈﺮ ﺍٓﻧﮯ ﻟﮕﮯ !
ﺷﺎﮦ ﺻﺎﺣﺐ ﻧﮯ ﺍﻧﮭﯿﮟ ﺍﭨﮫ ﮐﺮﻭﺿﻮ ﮐﺮﻧﮯ ﺍﻭﺭ ﺩﻭ ﺭﮐﺖ ﻧﻮﺍﻓﻞ ﺍﺩﺍ
ﮐﺮﻧﮯ ﮐﯽ ﮬﺪﺍﯾﺖ ﮐﯽ۔
ﺭﺍﻭﯼ ﮐﮩﺘﺎ ﮨﮯ ﮐﮧ ﺟﺐ ﻭﮦ ﻭﺿﻮ ﮐﺮ ﮐﮯ ﻗﺒﻠﮧ ﺭﺥ ﮐﮭﮍﯼ ﮬﻮﺋﯿﮟ
ﺍﻭﺭ ﻧﻤﺎﺯ ﮐﮯ ﺩﻭﺭﺍﻥ ﺳﺠﺪﻭﮞ ﻣﯿﮟ ﮔﺮﯾﮟ ﺗﻮ ﺷﺎﮦ ﺻﺎﺣﺐ ﻧﮯ ﺍﯾﮏ
ﻃﺮﻑ ﮐﮭﮍﮮ ﮨﻮ ﮐﺮ ﺍﻟﻠﮧ ﮐﮯ ﺳﺎﻣﻨﮯ ﮨﺎﺗﮫ ﭘﮭﯿﻼ ﺩﯾﮯ ﺍﻭﺭ ﻋﺮﺽ ﮐﯿﺎ :
ﺍﮮ ﻣﻘﻠﺐ ﺍﻟﻘﻠﻮﺏ ! ﺍﮮ ﻣﺼﺮﻑ ﺍﻻﺣﻮﺍﻝ ! ﻣﯿﮟ ﺗﯿﺮﮮ ﺣﮑﻢ ﮐﯽ
ﺗﻌﻤﯿﻞ ﻣﯿﮟ ﺍﺗﻨﺎ ﮐﭽﮫ ﮨﯽ ﮐﺮ ﺳﮑﺘﺎ ﺗﮭﺎ ﯾﮧ ﺳﺠﺪﻭﮞ ﻣﯿﮟ ﭘﮍﯼ
ﮨﯿﮟ، ﺗﻮ ﺍﻥ ﮐﮯ ﺩﻟﻮﮞ ﮐﻮ ﭘﺎﮎ ﮐﺮ ﺩﮮ، ﮔﻨﺎﮨﻮﮞ ﮐﻮ ﻣﻌﺎﻑ ﮐﺮﺩﮮ
ﺍﻭﺭ ﺍﻧﮭﯿﮟ ﺍٓﺑﺮﻭﻣﻨﺪ ﺑﻨﺎ ﺩﮮ ﺗﻮ ﺗﯿﺮﮮ ﻟﯿﮯ ﮐﭽﮫ ﻣﺸﮑﻞ ﻧﮩﯿﮟ،ﻭﺭﻧﮧ
ﺗﺠﮫ ﭘﺮ ﮐﺴﯽ ﮐﺎ ﺯﻭﺭ ﻧﮩﯿﮟ،ﻣﯿﺮﯼ ﻓﺮﯾﺎﺩ ﺗﻮ ﯾﮧ ﮨﮯ ﮐﮧ ﺍﻧﮭﯿﮟ ﮨﺪﺍ
ﯾﺖ ﻋﻄﺎ ﻓﺮﻣﺎ ﺍﻧﮭﯿﮟ ﻧﯿﮏ ﺑﻨﺪﯾﻮﮞ ﻣﯿﮟ ﺷﺎﻣﻞ ﻓﺮﻣﺎ !
ﺍﺩﮬﺮ ﺷﺎﮦ ﺻﺎﺣﺐ ﮐﯽ ﺩﻋﺎ ﺧﺘﻢ ﮨﻮﺋﯽ ﺍﻭﺭ ﺍﺩﮬﺮ ﺍﻥ ﮐﯽ ﻧﻤﺎﺯ ...
ﻭﮦ ﺍﺱ ﺣﺎﻝ ﻣﯿﮟ ﺍﭨﮭﯿﮟ ﮐﮧ ﺩﻝ ﭘﺎﮎ ﮨﻮ ﭼﮑﮯ ﺗﮭﮯ !
ﺍﺏ ﺷﺎﮦ ﺻﺎﺣﺐ ﻧﮯ ﻋﻔﺖ ﻣﺎٓﺏ ﺯﻧﺪﮔﯽ ﮐﯽ ﺑﺮﮐﺎﺕ ﺍﻭﺭ ﻧﮑﺎﺡ ﮐﯽ
ﻓﻀﯿﻠﺖ ﺑﯿﺎﻥ ﮐﺮﻧﯽ ﺷﺮﻭﻉ ﮐﺮ ﺩﯼ ﺍﻭﺭ ﺍﺱ ﻣﻮﺿﻮﻉ ﮐﻮ ﺍﺱ ﻗﺪﺭ
ﺧﻮﺵ ﺍﺳﻠﻮﺑﯽ ﺳﮯ ﺑﯿﺎﻥ ﮐﯿﺎ ﮐﮧ ﺗﻤﺎﻡ ﻃﻮﺍﺋﻔﯿﮟ ﮔﻨﺎﮦ ﮐﯽ ﺯﻧﺪﮔﯽ
ﭘﺮ ﮐﻒ ﺍﻓﺴﻮﺱ ﮐﺮﻧﮯ ﻟﮕﯿﮟ ﺍﻭﺭ ﻧﮑﺎﺡ ﭘﺮ ﺭﺍﺿﯽ ﮨﻮ ﮔﺌﯿﮟ ...
ﭼﻨﺎﻧﭽﮧ ﺍﻥ ﻣﯿﮟ ﺳﮯ ﺟﻮﺍﻥ ﻋﻮﺭﺗﻮﮞ ﻧﮯ ﻧﮑﺎﺡ ﮐﺮﺍ ﻟﯿﮯ ﺍﻭﺭ ﺍﺩﮬﯿﮍ
ﻭﺍﻟﯿﻮﮞ ﻧﮯ ﮔﮭﺮﻭﮞ ﻣﯿﮟ ﺑﯿﭩﮫ ﮐﺮ ﻣﺤﻨﺖ ﻣﺰﺩﻭﺭﯼ ﺳﮯ ﮔﺰﺍﺭﺍ
ﺷﺮﻭﻉ ﮐﺮ ﺩﯾﺎ۔
ﮐﮩﺘﮯ ﮨﯿﮟ ﮐﮧ ﺍﻥ ﻣﯿﮟ ﺳﮯ ﺳﺐ ﺳﮯ ﺯﯾﺎﺩﮦ ﺧﻮﺑﺼﻮﺭﺕ ﻣﻮﺗﯽ
ﻧﺎﻣﯽ ﺧﺎﺗﻮﻥ ﮐﻮ ﺟﺐ ﺍﺱ ﮐﮯ ﺳﺎﺑﻘﮧ ﺟﺎﻧﻨﮯ ﻭﺍﻟﻮﮞ ﻧﮯ ﺷﺮﯾﻔﺎﻧﮧ
ﺣﺎﻟﺖ ﺍﻭﺭ ﺳﺎﺩﮦ ﻟﺒﺎﺱ ﻣﯿﮟ ﻣﺠﺎﮨﺪﯾﻦ ﮐﮯ ﮔﮭﻮﮌﻭﮞ ﮐﮯ ﻟﯿﮯ ﮨﺎﺗﮫ
ﻭﺍﻟﯽ ﭼﮑﯽ ﭘﺮ ﺩﺍﻝ ﭘﯿﺴﺘﮯ ﺩﯾﮑﮭﺎ ﺗﻮ ﭘﻮﭼﮭﺎ :
ﻭﮦ ﺯﻧﺪﮔﯽ ﺑﮩﺘﺮ ﺗﮭﯽ ﺟﺲ ﻣﯿﮟ ﺗﻮ ﺭ ﯾﺸﻢ ﻭ ﺣﺮﯾﺮ ﮐﮯ ﻣﻠﺒﻮ
ﺳﺎﺕ ﻣﯿﮟ ﺷﺎﻧﺪﺍﺭ ﻟﮕﺘﯽ ﺍﻭﺭ ﺗﺠﮫ ﭘﺮ ﺳﯿﻢ ﻭﺯﺭﻧﭽﮭﺎﻭﺭ ﮬﻮﺗﮯ ﺗﮭﮯ
ﯾﺎ ﯾﮧ ﺯﻧﺪﮔﯽ ﺑﮩﺘﺮ ﮬﮯ ﺟﺲ ﻣﯿﮟ ﺗﯿﺮﮮ ﮨﺎﺗﮭﻮﮞ ﭘﺮ ﭼﮭﺎﻟﮯ
ﭘﮍﮮﮨﻮﺋﮯ ﮨﯿﮟ؟
ﮐﮩﻨﮯ ﻟﮕﯽ ﺍﻟﻠﮧ ﮐﯽ ﻗﺴﻢ ! ﻣﺠﮭﮯ ﮔﻨﺎﮦ ﮐﯽ ﺯﻧﺪﮔﯽ ﻣﯿﮟ ﮐﺒﮭﯽ ﺍﺗﻨﺎ
ﻟﻄﻒ ﻧﮧ ﺍٓﯾﺎ ﺟﺘﻨﺎﻣﺠﺎﮬﺪﯾﻦ ﮐﮯ ﻟﯿﮯ ﭼﮑﯽ ﭘﺮ ﺩﺍﻝ ﺩﻟﺘﮯ ﻭﻗﺖ
ﮨﺎﺗﮭﻮﮞ ﻣﯿﮟ ﺍﺑﮭﺮﻧﮯ ﻭﺍﻟﮯ ﭼﮭﺎﻟﻮﮞ ﻣﯿﮟ ﮐﺎﻧﭩﮯ ﭼﺒﮭﻮ ﮐﺮ ﭘﺎﻧﯽ
ﻧﮑﺎﻟﻨﮯ ﺳﮯ ﺍٓﺗﺎ ﮨﮯ ! ( ﯾﮧ ﻗﺼﮧ ﺗﺰﮐﺮﮦ ﺍﻟﺸﮩﯿﺪ ﺳﮯ ﻣﺎﺧﻮﺫ ﮨﮯ (!
٭٭٭
ﺍٓﺝ ﺑﮭﯽ ﺷﺎﮦ ﺻﺎﺣﺐ ﮐﮯ ﺭﻭﺣﺎﻧﯽ ﻭﺍﺭﺙ ﺍﻧﮩﯽ ﮐﮯ ﻧﻘﺶ ﻗﺪﻡ ﭘﺮ
ﭼﻞ ﺭﮨﮯ ﮨﯿﮟ ... ﻣﮕﺮ ﻣﻌﺘﺮﺿﯿﻦ ﺍﻥ ﮐﻮ ﺍﭘﻨﯽ ﻣﺤﺪﻭﺩ ﻋﯿﻨﮏ ﻟﮕﺎ
ﮐﺮ ﺩﯾﮑﮫ ﺭﮨﮯ ﮨﯿﮟ ... ﺍﺭﮮ ﭘﺎﮔﻠﻮ !
ﮐﺴﯽ ﺟﺴﻢ ﺑﯿﭽﻨﮯ ﻭﺍﻟﯽ ﻋﻮﺭﺕ ﮐﻮ ﺍﭘﻨﯽ ﺑﮩﻦ ﺑﯿﭩﯽ ﮐﮩﻨﺎ ﮐﻮﺋﯽ
ﻣﺬﺍﻕ ﺑﺎﺕ ﮨﮯ ... ﺑﮍﮮ ﺩﻝ ﮔﺮﺩﮮ ﮐﺎ ﮐﺎﻡ ﮨﮯ ... ﻭﯾﻨﺎ، ﻣﯿﺮﺍ، ﻧﺮﮔﺲ
ﺍﻭﺭ ﺭﯾﻤﺎ ﮐﯽ ﺑﺮﮨﻨﮕﯽ ﮐﺎ ﺗﻤﺎﺷﺎ ﻟﮕﺎﻧﺎ ﺑﮩﺖ ﺁﺳﺎﻥ ﮨﮯ ﻣﮕﺮ ﯾﮧ ﺳﻮﭺ
ﮐﺮ ﮐﮧ ﯾﮧ ﻣﯿﺮﮮ ﻧﺒﯽ ﮐﯽ ﺍﻣﺘﯽ ﮨﯿﮟ، ﺍﻥ ﮐﮯ ﺳﺮ ﭘﺮ ﮨﺎﺗﮫ ﺭﮐﮭﻨﺎ،
ﺍﻧﮩﯿﮟ ﺑﯿﭩﯽ ﮐﮩﻨﺎ ﮨﯽ ﻧﮩﯿﮟ ﺑﺎﭖ ﺑﻦ ﮐﺮ ﺩﮐﮭﺎﻧﺎ ﺁﺳﺎﻥ ﮐﺎﻡ ﻧﮩﯿﮟ
ﮨﮯ ...
ﺭﺍﺋﯿﻮﻧﮉ ﻣﺮﮐﺰ ﮐﮯ ﻣﻮﻻﻧﺎ ﺟﻤﺸﯿﺪ ﺭﺣﻤﮧ ﺍﻟﻠﮧ ﮐﮯ ﺑﺎﺭﮮ ﻣﯿﮟ ﺳﻨﺎ
ﮐﮧ ﺍﻥ ﻃﻮﺍﺋﻔﻮﮞ ﮐﻮ ﺍﭘﻨﯽ ﺑﯿﭩﯿﺎﮞ ﮐﮩﺘﮯ ﺗﮭﮯ ... ﺍﻭﺭ ﺍﻥ ﮐﮯ ﻟﯿﮯ
ﺭﻭﺗﮯ ﺭﮨﺘﮯ ﺗﮭﮯ ... ﻧﺎﻭﺍﻗﻔﻮﮞ ﮐﻮ ﻧﮩﯿﮟ ﭘﺘﺎ ﮐﮧ ﺍﺳﯽ ﻻﮨﻮﺭ ﮐﮯ
ﺑﺪﻧﺎﻡ ﺯﻣﺎﻧﮧ ﻓﺤﺶ ﺍﺳﭩﯿﺞ ﺷﻮﺯ ﮐﮯ ﺩﺭﻣﯿﺎﻥ ﺟﺐ ﺍﯾﮏ ﺍﺳﭩﯿﺞ
ﮔﺮﻝ ﺍﻧﺘﮩﺎﺋﯽ ﻓﺤﺶ ﺭﻗﺺ ﺳﮯ ﻓﺎﺭﻍ ﮨﻮﺗﯽ ﺗﻮ ﭘﺮﺩﮮ ﮐﮯ ﭘﯿﭽﮭﮯ
ﭼﻨﺪ ﺳﺮﭘﮭﺮﮮ ﻓﻀﺎﺋﻞ ﮐﯽ ﺗﻌﻠﯿﻢ ﮐﺮﻭﺍﺗﮯ ﺍﻭﺭ ﯾﮧ ﺳﺐ ﺍﺩﺍﮐﺎﺭ ﺍﻭﺭ
ﺍﺩﺍﮐﺎﺭﺍﺋﯿﮟ ﮐﭽﮫ ﺩﯾﺮ ﮐﮯ ﻟﯿﮯ ﺍﺱ ﻣﯿﮟ ﺑﯿﭩﮭﺘﮯ !
ﺍٓﺝ ﺍﯾﮏ ﺩﻭ ﻧﮩﯿﮟ ﺑﮯ ﺷﻤﺎﺭ ﺍﺳﭩﯿﺞ ﭘﺮ ﺑﺮﮨﻨﮧ ﺭﻗﺺ ﮐﺮﻧﮯ ﻭﺍﻟﯽ
ﺑﭽﯿﺎﮞ ﮐﮩﺎﮞ ﮔﺌﯿﮟ؟ ... ﺟﯽ ﮨﺎﮞ ﺍٓﺝ ﻭﮦ ﺍﻧﮩﯽ ﺍﻟﻠﮧ ﻭﺍﻟﻮﮞ ﮐﯽ
ﻣﺤﻨﺖ ﺳﮯ ﭘﺎﮐﺪﺍﻣﻨﯽ ﮐﯽ ﺯﻧﺪﮔﯽ ﮔﺰﺍﺭ ﺭﮨﯽ ﮨﯿﮟ ﺍﻭﺭ ﺍﻥ ﺳﮯ
ﻧﮑﺎﺡ ﮐﺮ ﮐﮯ ﺳﮩﺎﺭﺍ ﺩﯾﻨﮯ ﻭﺍﻟﮯ ﺑﮭﯽ ﺍﮐﺜﺮ ﺍﻧﮩﯽ "ﺳﺮﭘﮭﺮﻭﮞ " ﻣﯿﮟ
ﺳﮯ ﺗﮭﮯ ! ( ﺍﮔﺮ ﮐﺴﯽ ﮐﺎ ﭘﺮﺩﮦ ﻣﻘﺼﻮﺩ ﻧﮧ ﮨﻮﺗﺎ ﺗﻮ ﺩﻭ ﺗﺒﻠﯿﻐﯽ
ﺑﮭﺎﺋﯿﻮﮞ ﮐﮯ ﻧﺎﻡ ﺍﺑﮭﯽ ﯾﮩﺎﮞ ﻣﯿﻨﺸﻦ ﮐﺮﺗﺎ ﺟﻦ ﮐﮯ ﮔﮭﺮ ﻣﯿﮟ ﻭﮨﯽ
ﺍﺳﭩﯿﺞ ﮔﺮﻟﺰ ﻋﻔﺖ ﻭ ﭘﺎﮐﺪﺍﻣﻨﯽ ﮐﯽ ﺯﻧﺪﮔﯽ ﮔﺰﺍﺭ ﺭﮨﯽ ﮨﯿﮟ )
ﺍﻭﺭ ﻣﯿﮟ ﻧﮯ ﺳﻨﺎ ﮐﮧ ﺭﺍﺋﯿﻮﻧﮉ ﮐﮯ ﺑﮍﮮ ﺑﺰﺭﮒ ﺍﻭﺭ ﻣﻮﻻﻧﺎ ﻃﺎﺭﻕ
ﺟﻤﯿﻞ ﺻﺎﺣﺐ ﻧﮯ ﺍﻥ ﺑﭽﯿﻮﮞ ﺳﮯ ﻧﮑﺎﺡ ﮐﮯ ﺧﻮﺍﮨﺸﻤﻨﺪﻭﮞ ﺳﮯ
ﮐﮩﮧ ﺩﯾﺎ ﺗﮭﺎ ﮐﮧ ﺍﮔﺮ ﮐﺒﮭﯽ ﭘﭽﮭﻠﯽ ﺯﻧﺪﮔﯽ ﭘﺮ ﺍﺷﺎﺭﮦ ﺑﮭﯽ ﮐﯿﺎ ﺗﻮ
ﮨﻢ ﺍﻥ ﺑﭽﯿﻮﮞ ﮐﮯ ﮔﮭﺮ ﻭﺍﻟﮯ ﺑﻦ ﮐﺮ ﺗﻢ ﺳﮯ ﻧﻤﭩﯿﮟ ﮔﮯ !
ﺗﺒﺪﯾﻠﯽ ﺍﯾﺴﯽ ﮨﯽ ﻧﮩﯿﮟ ﺍٓ ﺟﺎﺗﯽ ... ﺍٓﮒ ﺍﻭﺭ ﺧﻮﻥ ﮐﮯ ﮐﺌﯽ ﺩﺭﯾﺎ
ﭘﺎﺭ ﮐﺮﻧﮯ ﭘﮍﺗﮯ ﮨﯿﮟ ... ﺍﻭﺭ ﺳﺐ ﺳﮯ ﮨﻮﻟﻨﺎﮎ ﺩﺭﯾﺎ ﺑﺪﻧﺎﻣﯽ ﮐﺎ ﮨﮯ ...
ﻣﮕﺮ ﺍﮔﺮ ﺑﺪﻧﺎﻡ ﮨﻮ ﮐﺮ ﺍﻟﻠﮧ ﮐﮯ ﺑﮯ ﺷﻤﺎﺭ ﺑﻨﺪﮮ ﺍﻭﺭ ﺑﻨﺪﯾﺎﮞ ﺟﮩﻨﻢ
ﺳﮯ ﺑﭻ ﮐﺮ ﺟﻨﺖ ﻣﯿﮟ ﺟﺎﻧﮯ ﻭﺍﻟﮯ ﺑﻦ ﺟﺎﺋﯿﮟ، ﺍﻟﻠﮧ ﮐﯽ ﺭﺿﺎ
ﺣﺎﺻﻞ ﮨﻮ ﺟﺎﺋﮯ ﺗﻮ ﺳﻮﺩﺍ ﮐﯿﺎ ﺑﺮﺍ ﮨﮯ ! ؟

عظمتِ ام المومنین سیدہ عائشہ رضی اللہ عنہا

٭عظمتِ ام المومنین٭(سیدہ عائشہ رضی اللہ عنہا)
-----------------------------
ام المومنین حضرتِ عائشہ صدیقہ رضی اللہ عنہا نہایت عالمہ، فاضلہ، مبلغہ اور خطیبہ، قرآن مجید کی حافظہ اور ہزاروں احادیث کی راویہ تھیں۔ ابو موسی اشعری رضی اللہ عنہ کہتے ہیں
"ہم صحابہ کرام کے جب بھی کسی حدیث میں اشکال ہوتا تو اس کی توضیح کے لیے سیدہ عائشہ رضی اللہ عنہا کی طرف رجوع کرتے اور ان کے پاس ہمیں اس سلسلے میں کوئی وضاحت ضرور مل جایا کرتی"۔(1)
بلاغت میں ان کا کوئی ثانی نہ تھا احنف کہتے ہیں : میں نے حضرتِ ابوبکر صدیق رضی اللہ عنہ کا خطبہ سنا۔حضرتِ عمر، حضرتِ عثمان، حضرتِ علی رضوان اللہ علیہم اجمعین کے خطبے سنے۔ بڑے بڑے قادر الکلام، بڑے بڑے مقررین اور خطاباء کو سنا لیکن:
" میں نے عائشہ سے بڑھ کر کسی شخص کو عمدہ اور خوبصورت کلام کہتے ہوئے نہیں سنا۔"
(الحاکم)
وہ نہایت سخی تھیں، دل کے بہت غنی تھا۔ہر چند کہ اللہ کے رسول ﷺ کے گھر فقر و فاقہ کے دن گزارے۔کئی کئی ہفتے گزر جاتے ان کے گھر روٹی پکنے یا سالن تیار کرنے کے لیے چولھا نہ جلتا تھا۔گزارہ صرف کھجور اور پانی پر ہوتا تھا۔ اس کے کبھی شکوہ نہ کیا۔
ان کے بھانجے عروہ بن زبیر رحمۃ اللہ علیہ بیان کرتے ہیں کہ امیر معاویہ بن ابی سفیان رضی اللہ عنہ نے سیدہ عائشہ رضی اللہ عنہا کی خدمت میں ایک لاکھ درہم بھیجے۔ اللہ کی قسم،! شام ہونے تک اس لاکھ درہم کو اللہ کی راہ میں خرچ کردیا۔ شام کو ان کی لونڈی نے عرض کیا:اگر اس رقم میں ایک درہم کا گوشت خرید لیتیں تو رات کے کھانے کا بندوبست ہوجاتا۔سیدہ عائشہ رضی اللہ عنہا نے فرمایا: تم نے پہلے کیوں نہ بتلایا کہ گھر میں کھانے کو کچھ نہیں ہے؟
اسی واقعے سے ملتا جلتا ایک دوسرا واقعہ سیدہ عائشہ رضی اللہ عنہا کی لونڈی ام ذریان بیان کرتی ہے کہ ان کے بھانجے عبداللہ بن زبیر رضی اللہ عنہ نے دو تھیلیوں میں درہم ارسال کیے جو ایک لاکھ درہم کے برابر ھے۔ سیدہ عائشہ رضی اللہ عنہا نے ایک تھال منگوایا،تمام درہم اس میں رکھ دیئے اور لوگوں میں تقسیم کرنے لگیں۔ اس روز اُمّ المومنین خود روزے سے تھیں۔ شام ہوئی تو خادمہ سے بولیں کہ روزہ کھولنے کے لیے افطاری کا سامان لاؤ۔
خادمہ ( ام ذر)نے عرض کیا:" اے ام ال مومنین! آپ نے لاکھ درہم تقسیم کردئے ان میں ایک درہم کا گوشت ہی خرید لیتیں کہ افطاری کا بندوبست ہو جاتا۔"
سیدہ عائشہ رضی اللہ عنہا نے فرمایا:" میری سرزنش مت کر۔ اگر تو مجھے پہلے بتاتی کہ گھر میں کچھ کھانے کو نہیں ہے تو میں ضرور خرید لیتی۔"
مشہور مؤلف زرکشی نے اپنی کتاب" الاجابہ" میں حضرتِ عائشہ کے چالیس مناقب بیان کیے ہیں جو دیگر ازواج مطہرات کے مقابلے میں زیادہ ہیں۔ اللہ کے رسول ﷺ نے دیگر شادیاں بھی کیں مگر وہ تمام خواتین یا تو بیوہ تھیں یا مطلقہ۔ اور یہ شادیاں قبائل سے تعلقات قائم کرنے یا اُمت کو تعلیم دینے کی غرض سے کی گئے تھیں۔ مگر حضرت سیدہ عائشہ رضی اللہ عنہا وہ وہ واحد شخصیت ہیں جو کنواری تھیں۔ وہ نبی کریم ﷺ کو تما م بیویوں سے زیادہ محبوب تھیں۔
جب نبی کریم ﷺ بیمار ہوئے تو انہی کے پاس قیام پذیر ہوئے۔جب آپ ﷺ اس دنیا سے رخصت ہوئے تو جسم مبارک حضرتِ عائشہ رضی اللہ عنہا کی گود میں تھا۔انہی کے گھر کو یہ ٖفضیلت نصیب ہوئی کہ اس میں قبر مبارک بنائی گئی۔
جب حبشی غلام مسجد نبوی میں جنگی کرتب دکھا رہے تھے تو سیدہ عائشہ رضی اللہ عنہا کو دکھلانے کے لیے نبی ﷺ نے اپنا کندھا پیش کی۔ انہوں نے اپنا چہرہ آپ کے مبارک کندھے پر رکھ کر کھیل دیکھا حتیٰ کہ وہ سیر ہوگیئں ۔آپ ﷺ نے ان کے ساتھ دو مرتبہ دوڑ لگائی۔ پہلی مرتبہ عائشہ رضی اللہ رعنہا سبقت لے گیئں اور دوسری مرتبہ جب جسم بھاری ہوگیا تو اللہ کے رسول ﷺ جیت گئے اور آپﷺ نے ارشاد فرمایا:
"عائشہ! یہ اس دن کا بدلہ ہے۔"(2)
ایک دن ایسا ہوا کہ حضرتِ ابوبکر صدیق رضی اللہ عنہ اپنی بیٹی کے گھر آئے اور یہ اللہ کے رسول ﷺ سے کسی معاملے میں بحث مباحثہ کر رہی تھیں،جیسا کہ عورتیں بعض اوقات اپنے خاوندوں سے کرتی ہیں۔حضرتِ ابوبکر رضی اللہ عنہ غصّے میں آئے اور اپنی بیٹی کو مارنا چاہا۔ اللہ کے رسول ﷺ آگے بڑھے، اُٹھے ہوئے ہاتھ کو روک دیا۔۔چند لمحات میں معاملہ ختم تھا۔جب ابو بکر رضی اللہ عنہ گھر واپس چلے گئے تو ارشاد فرمایا:
" تم نے دیکھا نہیں کہ میں تمہارے اور آدمی(تمہارے والد) کے درمیان حائل ہوگیا(اور تم اپنے والد سے مار کھانے سے بچ گئی)۔(3)
اللہ کے رسول ﷺ کی سیدہ عائشہ رضی اللہ عنہا سے محبت کا ایک انداز یہ بھی تھا کہ ایک مرتبہ ایک فارسی نے آپ کو دعوتِ ولیمہ پر بلایا۔ یہ اس وقت کی بات ہے جب پردے کے احکامات نازل نہیں ہوئے تھے اور ازواجِ مطہرات پردہ نہیں کرتی تھیں۔ اللہ کے رسول ﷺ نے اس سے کہا:
" اور میری زوجہ عائشہ رضی اللہ عنہا میرے ساتھ ہوں گی۔"
اس نے کہا: میرے پاس ایک ہی مہمان کا انتظام ہے۔چند روز کے بعد پھر اس نے کھانے کی دعوت دی۔ آپ ﷺ نے پھر اس سے کہا: کہ یہ میرے ساتھ ہو گی۔ اس نے پھر عائشہ رضی اللہ عنہا کو دعوت دینے سے معذرت کی۔تیسری مرتبہ پھر آپ ﷺ نے فرمایا کہ عائشہ میرے ساتھ ہوگی۔
اب اس کے لیے رضامندی کے اظہار کے سوا کوئی راستہ نہ تھا۔ اس سے اللہ کے رسول ﷺ کی محبت کا اندازہ کریں کہ بار بار اس شخص سےفرمایا رہے ہیں کہ میں اکیلا نہیں آؤں گا، بلکہ عائشہ رضی اللہ عنہا میرے ساتھ ہوگی اور اس شخص کی صراحت دیکھیے کہ اس نے دو مرتبہ انکار کیا، پھر تیسری مرتبہ ہاں کہا۔(4)
پھر ایک دن ایسا بھی آیا جب اختیار دینے والی آیات نازل ہوئیں کہ اگر زوجاتِ رسول ﷺ دنیا چاہتی ہیں تو ان کو دے دلا کر رخصت کر دیا جائے۔یعنی طلاق دے دی جائے۔
اب ذرا محبت کا انداز دیکھیے ، اللہ کے رسول ﷺ سیدہ عائشہ رضی اللہ عنہا سے اس مسئلے میں ان کی مرضی دریافت کر رہے ہیں ۔ تو کیا فرمایا:
" جب تک تم اپنے والدین سے مشورہ نہ کرلو، جواب دینے میں جلدی نہ کرنا۔"
ڈر یہ تھا کہ کہیں جلد بازی میں دنیا کاانتخاب نہ کر لیں۔ مگر ادھر بھی سیدہ عائشہ رضی اللہ عنہا تھیں، فوراً بولیں:
"یہ بھی کوئی مشورہ کرنے والی بات ہے۔بات صاف ہے میں اللہ ،اس کے رسول ﷺ اور آخرت کے گھر کی طلب گار ہوں۔"(5)
انہوں نے مال و دولت ِدنیا کو ذہن سے نکال دیا پھر دیگر امہات امومنین نے بھی سیدہ عائشہ رضی اللہ عنہا کے نقشِ قدم پر چلنا پسند فرمایا۔اور سبھی نے اللہ ،اس کے رسول اوردارِ آخرت کو پسند کیا۔ دنیا جس قدر گذارے لائق ملی اسی پر صبر شکر کر کے اپنے رب کے حضور حاضر ہوگیئں۔
٭٭رضی اللہ عنہم اجمعین٭٭
--------
(1)سنن ترمذی:3883
(2)-[صحیح]-مسند احمد:6/۔264، ابن ماجہ:1979،ابو داؤد:2578
(3)-مسند احمد-4/۔272،سنن نسائی کبریٰ9155
(4)- صحیح ابن حبان: 5301
(5)-مسند احمد:3/۔328،سنن الکبریٰ:5/۔383